Чорная алешына – захавальніца пушчанскіх таямніц. Даўней, калі вялікі лес атачалі непралазныя багна, альховыя зараснікі заваявалі ўсе вільготныя нізіны. З тых часоў альсы, як кажуць леснікі – найменш парушаныя чалавекам раслінныя комплексы. «Цяжкая» для здабычы драўніна рэдка прыцягвала прагныя погляды нарыхтоўшчыкаў, а непраходныя нетры і цяпер нязменна з’яўляюцца лепшым сховішчам для звяроў і птушак.