ДЛГУ «Цецярынскае» знаходзіцца ў паўночна-заходняй частцы Магілёўскай вобласці і размешчана на тэрыторыі Круглянскага адміністрацыйнага раёна ў вёсцы Шапялевічы.

Асноўныя віды дзейнасці ўстановы: паляўнічы турызм, лесанарыхтоўка, дрэваперапрацоўка.

Плошча ляснога фонду ДЛГУ «Цецярынскае» складае 20 226,3 гектараў і падзелена на два лясніцтвы: Шапялевіцкае і Кручанскае.

Асноўная мэта вядзення лясной гаспадаркі заключаецца ў арганізацыі шматмэтавага, навукова-абгрунтаванага, бесперапыннага і рацыянальнага карыстання лесам для вырашэння спецыфічных задач, якія стаяць перад установай, а таксама задавальнення патрэб эканомікі ў драўніне, іншай лясной прадукцыі і прыродных карысных уласцівасцях лесу пры абавязковай умове захавання і ўзмацнення асяроддзеўтваральных, водаахоўных, абарончых, санітарна-гігіенічных і аздараўленчых функцый лесу.