Шырыня прасекі складае 4-6 м. Яна прасякаецца для вядзення гаспадаркі, каб добра быў бачны лес. На скрыжаванні квартальных прасек ставяцца квартальныя слупы з надпісамі нумароў кварталаў, адзін з якіх прадстаўлены ўвазе экскурсантаў. Яны нумаруюцца з захаду на ўсход і з поўначы на поўдзень. Гэта палягчае арыентаванне ў лесе. Чым менш лік квартала там поўнач, больш лік -поўдзень. Тут на грывах, недалёка ад прасекі, у асяроддзі балот любіць гняздавацца барадатая кугакаўка, вельмі рэдкі від атрада совападобных. Яшчэ тут можна сустрэць прадстаўнікоў атрадаў дзятлападобныя, голубападобныя, сокалападобныя.