Закусачная «Хата Дзеда Мароза»

Умяшчальнасць: да 250 чалавек.

Напрамкі кухні: еўрапейская, беларуская.

Знаходзіцца за 12 км ад цэнтральнай сядзібы Нацыянальнага парку на тэрыторыі Маёнтка Дзеда Мароза. Зала складаецца з цэнтральнага памяшкання і асобных утульных кабінак для невялікіх кампаній.

Інтэр’ер закусачнай выкананы ў нацыянальным стылі: драўляныя сцены стыльна ўпрыгожаны творамі майстроў-разьбяроў, вокны ўмела распісаны “снежнымі” ўзорамі.

Выбар страў досыць разнастайны: духмяны грыбны суп, юха «Рыбацкая», дзічына тушаная з гароднінай, каўбаскі па-хатняму, дранікі з грыбамі, фірмовыя пушчанскія бліны з травяным чаем і шматлікае іншае. З моцных напояў падаецца напой пушчанскі арыгінальны, прыгатаваны мясцовымі ўмельцамі па старажытных рэцэптах.