На беразе аднайменнага возера размясціўся гасцінічны комплекс «Плаўна», які нагадвае казачны замак, што тоне ў зеляніне. У гасцініцы 10 нумароў рознага ўзроўню камфортнасці, більярд, бар і рэстаран традыцыйнай беларускай кухні на 40 пасадачных месцаў. Тут можна пакаштаваць страў з дзічыны, грыбоў і рыбы, якія здабываюцца ў паляўнічых гаспадарках запаведніка. Асобнай увагі заслугоўваюць ягадныя настойкі з дараў прыроды Бярэзінскага краю.

У комплекс уваходзяць дзве лазні, дзіцячыя гульнявыя пляцоўкі, воркаўт-пляцоўка, тэнісныя корты, вадаём для плавання і рыбалкі, прыстані і шматлікія грыль-зоны. Дзейнічае пункт пракату спартыўнага інвентара і станцыя зарадкі электрамабіляў.