Пад гладкім асфальтам гэтай дарогі размяшчаецца брукаваная каменем старая царская «Брукаўка». Найважнейшая для свайго часу дарога, якая злучыла Брэст са сталіцай пушчы – пасёлкам Белавеж, была пабудавана яшчэ ў першай палове XIX стагоддзя. Па яе баках можна сустрэць рэперныя чыгунныя польскія слупы. Сотні гадоў аб камяні гэтага гасцінца высякалі іскры падковы коней, якія цягнулі дыліжансы і вяльможныя карэты.