База адпачынку “Золава” размешчана на беразе ляснога возера Золва ў 5 км ад трасы Браслаў-Мінск і ў 20 км ад горада Браслава. Тэрыторыя базы абгароджана, што спрыяе вашаму спакойнаму і бяспечнаму адпачынку. Усе пад’язныя шляхі заасфальтаваны.

Туркомплекс складаецца з чатырох асобна стаячых катэджаў, “Беларускай хаткi” з сапраўднай рускай печчу, парнай лазні, сталовай, стаянкі, міні-пляжа. Маецца навес для вялікай групы людзей, дзіцячая пляцоўка, батут, абсталявана месца для барбекю, комплекс з вулічнымі трэнажорамі.

Двухпавярховы катэдж.

На першым паверсе пакой з двухспальным ложкам і тэлевізарам з прыстаўкай ZALA (мноства беларускіх і расійскіх тэлеканалаў); хол з раскладной двухспальнай канапай, камінам, тэлевізарам і кандыцыянерам; гасцёўня з кухняй (халадзільнік, кухонны гарнітур, мікрахвалевая печ, электрачайнік, сталовы посуд).

Тут жа для вашай выгоды знаходзіцца санвузел з душавой кабінай, унітазам, рукамыйніцай, камплектам ручнікоў, гасцінічнай касметыкай (шампунь-кандыцыянер, гель, мыла).

На другім паверсе два нумары з трыма двухспальнымі ложкамі, тэлевізарамі, кандыцыянерамі. З аднаго нумара ёсць уваход у дадатковы пакой, дзе размешчаны двухспальны раскладны канапа. У кожным нумары свой санвузел.

Да вашых паслуг даступныя: бесправадны інтэрнэт Wi-Fi, більярд, шкафы, люстэркі, прыложкавыя тумбы, часопісны столік, камода, 3 кандыцыянеры.

Кошт за суткі пражывання ад 500 бел.руб за ўвесь катэдж да 8 чал., 1 доп.месца ад 50 бел.руб.